Illegal miners deaths in Niger State: Nigeria civil defence say suspected outbreak of disease kpai illegal miners for dia custody

Wia dis foto come from, Nurphoto/Getty images Di Nigeria Security and Civil Defence Corps (NSCDC), Niger State Command, don confam say some illegal miners wey dem arrest and put for dia custody don kpai. Dem say di illegal miners wey dem arrest for M.I Wushishi /Lukoto village allegedly kpai from suspected outbreak of disease. For statement wey di Commandant of NSCDC, Niger State Command, Suberu Siyaka Aniviye sign, e tok say di arrests na part of dia renewed efforts to stop illegal mining activities. According to di statement, di NSCDC bin do "burst operation" on 15th and 16th September 2026, wey lead to di arrest of suspected illegal miners and di recovery of exhibits wey bring significant results as dem arrest plenti suspected illegal miners. Di Command dey beg di public and di families of di pipo wey kpai to "remain calm and desist from any actions wey fit lead to breakdown of law and order".

Missing media or need the complete publisher report? Open BBC ↗